ဆန့်ကျင်ဘက်မျဉ်းများ

စိတ်လေ စိတ်လွင့်တွေ လွင့်တင်လိုက်တယ်
ပြုးံပြရမှာ ခက် လေ သလပ်ခံထားရတယ်
အားနာ စိုးရွံ့ အဘိဓာန်က ဝေါဟာရသစ်
ညဖြစ်ရုပ်ကြွင်းထဲကနေ
ပင်လယ် ပြင် အောက်ခြေ အထိ
ငုပ်ဝင်နေသင့်တဲ့ လူ
လေထု ဖိအားတောင် ခံနိုင်ရည်ရှိ ဖို့ လေ့ကျင့်ပေးဖို့
လိုအပ်နေတဲ့ လူ
ဖောက်ခွဲ ဖျက်ဆီးပြစ်ဖို့ အမိန့် မလာ မချင်း
သစ္စာလေးချက်လေသံတွေ တုန်ရီ အက်ကွဲတော့မယ် . . ..

ညတိုင် အတွေးများနဲ့ (တရုတ်လို မဟုတ်ဘဲ )အိုက်အိုက် လာတတ်
မွေ့ရာ ပါတဲ့အချိန် မပါတဲ့ အချိန် သိ မသိ စိတ်နဲ့
အငွေ့ပျံ အလွမ်းတွေထဲ
ရော်ရမ်း ဆုတောင်းရင်း ဝေ့ဝဲ
ငယ်က ကစားခဲ့ဘူးတဲ့ ကစားနည်းတွေကို စိတ်မဝင်စားနိုင်ဘူး
ဆူးဒေါက်ခွကနေ ကီးဘုတ် ပြောင်းကိုင်ချင်ခဲ့တဲ့ကောင်
မိုးလင်းမိုးချုပ် တကုပ်ကုပ်နဲ့ စိတ်တွေ ပစ်လွင့်တင်မိခဲ့တယ်

ကောင်းကင်တစ်ခုကို တွေ့ အဲဒီ ကောင်းကင်များ ကြည်လင်နေလို့ကတော့
ဘာမှ ရှိမနေတော့သလို ဟာလာဟင်းလင်း။

သိသိနဲ့ ခူးခဲ့ပေမယ့် ပန်းသီးမဟုတ်ဘူး
တူရွင်းရာ နက်လာလေ ဘေးသားပြိုလိုက်လာလေ ဆိုတဲ့ အဖြစ်
ပိုပို နက်ဝင်သွားရမယ့် အစား မောက်မောက်လာတယ်
နှင်းဆီ နံနက်ခင်းမရှိဘူး,နံနက်ခင်းတော်တော် များများ မရှိဘူး
ထန်းရေအိုးနှတ်ခမ်းတွေ ကို လွမ်းချိန် မရှိဘူး
ဒါပေမယ့် ဘယ်ဘက်ကမှ ပေါ့ပါးလာတယ်လို့လဲ မရှိပြန်ဘူး
ဘာလို့ မလင်းနိုင်အောင် အထိ ဖြစ်နေခဲ့ သလဲ . . .. .

ပညာဧကရာဇ်က ယဇ်ကို တပ်မက်လွန်းနေသလား
ပညာရှင် အခေါ်ခံ သားကောင်တွေကို မြိန်ရေ ယှက်ရေ
သူကိုယ်တိုင် ဝါးမြိုရင်း သနားနေတတ်ပြန်တယ်
ဘာမသိ ညာမသိ နမ်းမဝ ကလူစယ်နဲ့
ဘာလို့ မပြိုနိုင်ခဲ့လဲ စဉ်းစားချိန်တောင် မရတော့ဘူး
တကယ်ဆို အိပ်မက်ထဲ မှာသာ မျောလွင့်ခွင့်ရှိတဲ့နေရာ
စိတ်လေ စိတ်လွင့်တွေက နားစရာ ရှားနေတယ်

တစ်ညက ညီမလေးကို လွမ်းရင်း အိပ်မက်မက်မိတယ်
အဆင်းရဲဆုံး အရာတွေထဲမှာ အချိန်ဆိုတာကို
သဘောပေါက်လိုက်ရော . . . .
ကြမ်းခင်းကြားတွေ မှာ အလင်းတွေ ယိုစီးခွင့် ဘာလို့ ပေးတော့မလဲ
အခန်းပြင်မှောင်နေတယ် ဆိုရင် သဘာဝ တစ်ခုလို့ လက်မခံသင့်ဘူးလား
ဆိုလိုတာက
ကိုယ့်စိတ်ကိုယ် ကိုယ်တိုင် ပြန်ပြန် ဖုံးနေရတာနဲ့ကို အချိန်တွေကုန်နေတယ်
ညီမလေး စိတ်တွေ သိပ် မလွင့် တင်စေချင်ဘူး
စိတ်လေ စိတ်လွင့်တွေ လွင့်တင်ရမှာက ဝဋ်ကြွေး တစ်ခုမှ မဟုတ်ဘဲ
ဒါပေမယ့် အဲဒီ စိတ်လေ စိတ်လွင့်တွေ အတွက်
နားစရာက ရှားပါးလွန်းတယ်။