ဆန့်ကျင်ဘက်မျဉ်းများ

မှိုင်းများ မှိုင်းများအောက်မှာ
မြုံစိစိ တွေးနေတယ်
တုံးတိတိ ငေးငိုင်နေတယ်
င်္အင်္ကျီကျယ်သီး မှန်အောင် မတပ်ချင်ဘူး
ခေါင်းမဖီးချင်ဘူး
မုတ်ဆိတ်ကျင်ဆွယ် မပယ်ချင်ဘူး။

မှိုင်းများ အောက်မှာ
အလုပ်မလုပ်ချင်ဘူး စားမဖတ်ချင်ဘူး
ထမင်း မစားချင်ဘူး။
မှိုင်များအောက်မှာ
လူတစ်စုက ငြင်းနေကြတုန်း
လူတစ်စုက ကြိတ်ကြံနေပြီး
လူတစ်စုက မိန့်မိန့်ကြီး ကြည့်လို့ . . . .
မှိုင်များ အောက်မှာ
အမှန်တရားက ကိုယ်ထင်မပြဘူး
အတုအယောင်တွေ လမ်းသလားနေတယ်
လရောင်ကို မခံစားနိုင်ဘူး
တောင်စွယ်မှာ နေကွယ်တာ ထပ်နေတယ်။

မှိုင်းများ မှိုင်းများ အောက်မှာ
အမေက သားတွေအတွက် လွမ်းတယ်
ဆရာက တပည့်ကို လွမ်းတယ်
မောင်နှမ ညီအစ်ကိုချင်း လွမ်းတယ်
ချစ်သူတွေ အချင်းချင်း လွမ်းတယ်
မှိုင်းများ အောက်မှာ
မိဘကို မိဘလို့ မထင်ချင်ဘူး
သားသမီးကို သားသမီးလို့ မထင်ချင်ဘူး
ညီအစ်ကို မောင်နှမ ရှိမနေဘူး
သူငယ်ချင်း အပေါင်းအသင်း လှည့်မကြည့်အားဘူး။

မှိုင်းများအောက်မှာ
အတ္တရောင်တွေ တလက်လက်ဝင်းတယ်
ကိုယ်ကျိုးတွေ ထောင်းထောင်းထနေတယ်
ကုန်ကြမ်းတွေ ဖောချင်းသောချင်းဖြစ်နေတယ်
ကုန်ချောကြတော့ ဘယ်ပျောက်ပျောက်သွားမှန်းမသိဘူး
မှိုင်းများအောက်မှာ
တန်ဖိုးတွေ လေလွင့်ကုန်တယ်
သက္ကရာဇ်တွေ တွန့်ခေါက်ကုန်တယ်
ပညာရပ်တွေ မှိုတပ်ခဲ့တယ်
သတ္တိတွေ တုံးတိကုန်တယ်။

မှိုင်းများ
မှိုင်းများအောက်မှာ
နေရောင်တွေ ဆိတ်သုဉ်းနေတယ်
အမှောင်တွေ သိပ်သည်းနေတယ်
နာကျင်မှုတွေ မဆန့်မပြဲဖြစ်နေတယ်
ဆာလောင်မှုတွေ ဟုန်းဟုန်းတောက်နေတယ်
မှိုင်များအောက်မှာ
အရာရာ ခေါင်းပါးနေတယ်
မလိုအပ်တာတွေက ပေါလွန်းနေပြီ
လိုအပ်တာတွေက အရိပ်အရောင်တောင် မမြင်ရဘူး။

မှိုင်းများ အောက်မှာ
တရားမရှိဓားမရှိ ဖြစ်နေတယ်
တရားလေးခမျာ ယဲ့ယဲ့ အသက်ဆက်နေရတယ်
နှစ်သိမ့်မှုသက်သက်နဲ့ နေရတယ်
မျှော်လင့်ချက်တောင် မထားရဲဘူး။

မှိုင်းများ အောက်မှာ
ငေးငေးငိုင်ငိုင်တွေးနေမိတယ်
ထွက်ပေါက်လဲ မရှိဘူး
မှိုင်းများအောက်မှာ
ဘယ်အချိန်အထိ ပိတ်မိနေဦးမလဲ . . . .။


(7,8,2009)