ဆန့်ကျင်ဘက်မျဉ်းများ

ရှေ့ဆက်ဖို့လား ..
အမှောင်တွေက စောင့်နေတယ်
ဘေးဘီကြည့်တော့လဲ ဘာမှ မသဲကွဲဘူး
နောက်လှည့်ကြည့်မိတော့ ပိုဆိုးတယ်
သူ့ကြောင့်လိုလို ကိုယ့်ကြောင့်လိုလို
ဘာကြောင့်ထင်ရစ်ခဲ့မှန်းမသိတော့တဲ့
ပရမ်းပတာ ကို့ယို့ကားယား အရိပ်တွေနဲ့
. . . . . . .. .
ဘယ် "အလင်းရှင် "ကို တ ရမလဲ
ဘယ်သူမှ သတိကောင်းတဲ့လူမရှိတော့ဘူး
အားလုံးက ကျန်ခဲ့တာတွေကို
စိတ်တူကိုယ်တူ မေ့ခဲ့ကြတယ်။

ထွန်းညှိရမယ့် အလင်းကို
ဘယ်သူမှ အရိပ်အယောင်တောင်
မမီိနိုင်ကြတော့တဲ့ အခါ
လမ်းဟာ . . . ပြန့်ကျဲနေတဲ့ အမိုက်ပြင်ဖြစ်
အမိုက်ပြင်ဟာ ခတ်ကွင်းကျယ်ကြီးဖြစ်
ကိုယ့်အတ္တက လွဲရင် အားလုံးက ပစ်မှတ်တွေဖြစ်
. . . . . . . . . ..
တစ်ခါတလေကိုယ့်ကိုယ်တိုင်တောင် သားကောင်ဖြစ်လို့ဖြစ်နဲ့
ဘယ်လိုနည်းနဲ့ရရှိခဲ့တယ် စဉ်းစားမနေဘဲ
ကိုယ်ဖော်တဲ့အမဲတွေကို တစ်ပွေ့တစ်ထမ်းကြီးပွေ့ပိုက်လို့
ငါတို့ နေပျော်နေကြတယ်။

ထွန်းညှိခဲ့ လင်းလက်ခဲ့ တောက်ပခဲ့ကြတဲ့
အလင်းဘက်တော်သားတွေကို
ငါတို့ကိုယ်တိုင်မြင်နေပါလျက်နဲ့
.. . . . . . . . .
ကိုယ့်ကိုယ်တိုင် ကူးခတ် ယက် လျောက်သွားဖို့
မစွမ်းသာတဲ့ အဖြစ်ထဲမှာပဲ
နေပျော်စရာလို့ သတ်မှတ်ကြနေတယ်။
2/6/2009


7:48 PM 7/6/2009