Tuesday, September 1, 2009
ထပ်နေသလား၊ခံစားမှုတွေထပ်နေတယ်
ဝါသနာသက်သက်နဲ့ စာသက်သက် ဖက်လာခဲ့တာ
အက္ခရာ ၄၁ လုံး သင်္ချာအက္ခရာ ၁၀ လုံး တွေ့တွေ့နေရတယ်
ကြာတော့ သင်္ကေတလေးတွေကို သနားလာမိတယ်
သူတို့ ပြနိုင်တဲ့ အစွမ်းရဲ့ ဘောင်က ကုန်ခဲ့ပြီလား
ကိုလေးဖြူရဲ့ လိုချင်တာ အသစ်တောင် ဟောင်းလာမှပဲ
အိပ်မက်သစ် စိတ်ကူးသစ် …မသစ်နိုင်တဲ့ အသစ်တောင်းဆိုမှု
အထပ်ထပ် …နေရာတွေမှာ အထပ်ထပ် အကြောင်းပြတွေ မှာ အထပ်ထပ် …
အင်တာနက်ပေါ်မှာ တင်ပြပုံ အထပ်ထပ်… တောင်းဆိုကြ ...မရနိုင်ကြ အသစ်ကို ဆာလောင်မှုတွေ ထပ်နေကြပြန်တယ်။
အိပ်မက်တွေတောင် ထပ်နေသလား၊ခံစားမှုတွေထပ်နေတယ်။
တစ်ရက်လာလည်း ဒီခံစားမှု မရိုးနိုင်အောင်ထပ်ထပ်နေပြန်တယ်။
”မြန်မာစာတွေ သိပ် မဖတ်နဲ့ ၊အစွဲ ကင်းအောင် ရေးဖို့ ဝေါဟာရ မရှိဘူး”ဆိုပဲ သူငယ်ချင်းက သုံးသပ်ပြန်တယ်။
ဘိုလိုမှ မတတ်ဘဲလေ (တကယ်) အသစ်ရဖို့ က အဲလောက် လိုသလားသေချာ စဉ်းစားမိတယ်။
အမှတ်အသား သင်္ကေတ မြန်မာ ဝေါဟာရတွေ တကယ်လိုအပ်နေတာလား။
တင်ပြမှုဘောင်ကပဲ … တွေးတာတွေ ထပ်ထပ်နေပြန်တယ်။
ဘဝတွေ ထပ် မထပ် မသေချာပေမယ့် နေ့တွေက သေချာထပ်နေတယ်။
အသစ်မရတဲ့ နေ့တွေ ထပ်လာတယ်။
တစ်ခါမှ သစ်သစ်လွင်လွင် ရယ်သံ မကြားဖူးတဲ့ နေ့တွေထပ်လာတယ်။
ညီမလေးရဲ့ သောကတွေ ပုံပုံ လာတဲ့ နေ့တွေထပ်ထပ်လာတယ်။
(မှတ်မှတ်ရရ ရယ်သံ စစ်စစ်လေး လိုချင်စိတ်နဲ့ ပေမယ့်
လိုချင်တဲ့ အသစ်ရော အဟောင်းပါ ဘာမှ မထူးဘဲထပ်ထပ် လိုက်လာတယ်..
မရခဲ့တာ သေချာတာတွေလဲ ထပ်ထပ်လာတယ်)။
ထားပါတော့တွေ ထပ်ထပ်လာတယ်။
မျှော်လင့်လိုက် ပြန်ရုပ်သိမ်းလိုက်တွေ ထပ်ထပ်လာတယ်။
အသစ်ရဖို့ က သင်္ကေတတွေ အသစ်လိုသလား … အဓိပ္ပါယ် အသစ်တွေ မရှိတာလား
… ရှိနေဦးမယ် ထင်နေရတာ ထပ်ထပ်လာတယ်။
ညီမလေးရေ …သောကအသစ်တွေ ပေးကြည့်ပါ့လား။
ခံစားမှု အသစ်တွေ ပေးကြည့်ပါ့လား။
“လိုချင်တာ အသစ်”စွဲနေတဲ့ အသံဟောင်း တစ်ခုကို
ထပ်ထပ် ကြားကြားနေရတာ ထပ်ထပ်နေတယ်။
ကဗျာထဲမှာ အသစ် လိုချင်တာတွေ ထပ်ထပ် …လိုချင်တာ ထပ်ထပ်…
ထပ်ထပ်နေတာတွေ ထပ်ထပ် …ထပ်ထပ် ထပ်ထပ်နဲ့။
နွေမင်းသစ်
No Response to "ထပ်နေသလား၊ခံစားမှုတွေထပ်နေတယ်"
Leave A Reply
အပြောများ