သူ့ဖြစ်တည်မှုလေးရဲ့ သက်တမ်းတစ်လျောက်မှာ သူပိုင်ဆိုင်တာက "အမေကြီး"။
အမေနဲ့အဖေတို့ လမ်းခွဲ အပြီးမှာ လောကကြီးထဲ ရှိသမျှ အားလုံး သူ့ကို ကျောခိုင်းသွားကြတယ်။
ဟော်မုန်းနဲ့ ဂလင်း အကြိတ်တွေ ကြောင့် သူ့ ဖြစ်တည်မှုလေး သူရခဲ့တယ်။
ဒါတောင် ဖြစ်မလာအောင် ဆေးတွေ ဘာတွေ နဲ့ ပီပီ ပြင်ပြင် တားခဲ့ သေးကြောင်း
သူ့ ဖြစ်တည်မှုကို သူ့ အမေကိုယ်တိုင် သူ့ရှေ့ မှာ ဖွင့်ဆိုခဲ့တာကို သတိမူမိတယ်။
လူသားတစ်ယောက်ရဲ့ အသိသက်သက်နဲ့ မိဘဆိုတာ သည့်ထက် မက ရှိခဲ့ကြောင်း နားလည်ပေးနိုင်ခဲ့ ပါတယ်။
အရွယ်အသက် အမျိုးမျိုးမှာ လူတိုင်းက မိသားစုနဲ့ ပျော်ကြ
သူကတော့ သူ့ ဖြစ်တည်မှုကို သူဘာသာ သသပြီး
တစတစဖွင့်ထွားလာအောင် ကြိုးစားခွင့်ရခဲ့တယ်။
အချိန်တိုင်းတည်ဆောက်ဖို့ သတိနဲ့ နုနုငယ်ငယ် အချိန်တွေ ဖဲ့ချွေ
အလွှာမျိုးစုံ,ယဉ်ကျေးမှု မျိုးစုံ,အယူအဆ မျိုးစုံ,အရောင်အသွေးမျိုးစုံ ကြားမှာ
နေသားမကျနိုင်တဲ့ ဖြစ်တည်မှုလေးကို နေသားကျအောင် လုပ်ခဲ့။
ဘဝဆိုတာ ကံကြမ္မာရဲ့ သားကောင်ဆိုတဲ့ အယူအဆမျိုး သူ့ဆီမှာ တကယ်ကို မရှိခဲ့ဘူး။
ဖြူဖြူစင်စင် လိပ်ပြာလုံလုံ ပြုံးပြရဖို့ နေရာ သူ့ အတွက် ရှားတယ်။
သန့်သန့်စင်စင် တွေးခေါ်ဖို့ လောကဓာတ် ကျယ်သလောက် သူ့မှာ ကျဉ်းတယ်။
ရှားပါးတဲ့နေရာလေးတွေမှာ သူ လိပ်ပြာလုံလုံ ဖြူဖြူစင်စင် ပြုံးခဲ့ပါတယ်။
ကျဉ်မြောင်းတဲ့ နေရာလေးတွေကနေ သူသန့်စင်အောင် တွေးတယ်။
သူ့အတွက် ဘုရားသခင်ရဲ့ ရှေ့တော်မှောက်ရောက်ရင် နွေးထွေးပါတယ်။
အပတ်စဉ်ရဲ့ အသစ်ဆုံးနေ့တွေမှာ ဘုရားကျောင်းသွားပြီး ငြိမ်းချမ်းမှုကို ရှာတယ်။
အလွှာ အမြင် ကိုးကွယ်ရာ မတူတဲ့ အများစုထဲကို သူ့ကို ပစ်ချထားတယ်လေ။
သူလိုလူတွေ လူနဲစုတွေထဲက မှ သူလိုလူ ဘယ်သူမှ ရှိမယ် မထင်တဲ့ အသိနဲ့
ဖြတ်သန်းရင်း . . .ကိုယ့်ဖြစ်တည်မှုကို ကိုယ်တိုင် ထွန်းညှိနိုင်ခဲ့တယ်။
အတိုက်အခိုက် ချွန်တွန်း အဆင်းဘီးတပ် ဒဏ်ရာ အထပ်ထပ်နဲ့ပေမယ့် မယိမ်း မယိုင်။
လူငယ် လူမှုရေးရာ ယုံကြည်မှု မျှော်လင့်ချက် အချစ် ဆုတောင်း
အကြိမ်ကြိမ် ခက်ခက်ခဲခဲ မျှော်လင့်ခဲ့ လွင့်ပါးခဲ့ အကြိမ်ကြိမ် ဖြည့်ဆီး ထူမတ်ခဲ့ရင်းပေါ့။
ကိုယ်ဖြစ်တည်မှုကို တယုတယ တသသ နဲ့ ဆက်လှမ်းလာခဲ့သူ။
ကံကြမ္မာရဲ့ ဆော့ကစားမှုတွေကို ကလေးကလား အလား လှည့်ကြည့်မိဖို့ စိတ်မကူးနိုင်တဲ့ အထိ။
ဖြတ်သန်းရင်း ပျိုးထောင်ရင်း ရုပ်ဝတ္ထုတွေထဲကနေ စိတ်ဓာတ် အသိနဲ့ စိတ်ဖြာ
ကိုယ့်ဖြစ်တည်မှုကို ဖြေသာစွာနဲ့ ထွန်းလင်းနိုင်ပါလား ကျေနပ် ချိန် 23 နှစ် အရွယ်။
ယုံကြည်ရာကို ယုံကြည်တဲ့ အတိုင်း သေချာပေါက် သွားနိုင်လိမ့်မယ် ယုံကြည်တယ်
လက်လှမ်းမှီရာ ပညာရပ်တွေ ရနိုင်သမျှ လောဘတကြီး ခူးခဲ့
ဘဝအတွက် မျှော်လင့်ချက်တွေ တလက်လက်နဲ့
သူ့ဖြစ်တည်မှု့ရဲ့ အကောင်းဆုံး ပြင်ဆင်ခွင့်တွေ ဖြည့်ဆီး လမ်းစပေါ် ပင့်တင်
ခိုင်မာတဲ့ ယုံကြည်ချက်တွေ အမြင်တွေနဲ့ တောက်မယ့် မီးခဲ ဖြစ်နေချိန် 23 နှစ်အရွယ်
ဆော့ကစားတဲ့ ကံကြမ္မာက ပေါ့ပေါ့ပါးပါးနဲ့ သူ့ ဖြစ်တည်မှုဆီ ကင်ဆာ ဆိုတာ ပို့လိုက်တယ်။
အနှစ်နှစ် အလလ ငတ်မွတ်ဆာလောင်ခဲ့တဲ့ မေတ္တာပြတ်လပ်မှုရဲ့ ဒဏ်
ငွေကြေး အသိုင်းအဝိုင်း က အစ ဘာမှ မပြည့်စုံခြင်းရဲ့ ဒဏ်
ဒီဒဏ်တွေနဲ့ တကွ ရောဂါရဲ့ မချိမဆန့် ဝေဒနာတွေနဲ့ ရှေ့ နှစ်အနည်းငယ် အကြာမှာ
သူဖြစ်တည်မှုလေး ဇာတ်သိမ်းစေသတည်း တဲ့ . . . အေးဆေးပါ . . .
မိခင်အရင်းကတောင် ဖြစ်တည်ခွင့် အဓိပ္ပါယ်ကို အသစ်ဖွင့်ဆို ချီးမြင့်ခံရသူ
ကင်ဆာက သူဆီကနေ ဘယ်လောက်ယူနိုင်မှာ မို့လဲ
သူ့ကိုယ်သူ ဖြစ်တည်စေခဲ့တာ 23နှစ် ဘယ်လောက်မှ မကြာသလို ထင်ရပေမယ့်
သဘာဝဘေးဒဏ်ခံ လူတွေကို ကိုယ်တိုင် လက်ခြေတွေ သုံးပြီး ကူညီခဲ့တယ်
မဖွံ့ဖြိုးသေးတဲ့ ဒေသတွေ အတွက် ကိုယ်တိုင်လေ့လာ သိရှိ ကူညီခဲ့ တယ်
ကျောင်းမနေနိုင်တဲ့ ကလေးတွေ များစွာ အတွက် ကူညီ ခဲ့တယ်
ဆင်းရဲတွင်း နက်နက် မဲမဲ ထဲကလူတွေ အတွက် တတ်နိုင်သမျှ လင်းပေးခဲ့တယ်
သူပေးနိုင်သမျှ ရယူခဲ့တာ မရှိပဲ ပေးပြီးခဲ့ ပြီလေ ကျေနပ်တယ်။
ကံကြမ္မာရေ မင်းဆီက အညွှန့် ခူးဖို့ မဆိုထားနဲ့ အခွံ အခေါက်လေးလောက်မှ ငါ မခွါခဲ့ပါဘူးတဲ့ သူက။
ရယူခြင်းမရှိပဲ ပေးဆပ်ခြင်းသက်သက်နဲ့ ငါ့ဖြစ်တ်ာမှုလေး အဆုံးသတ်ခွင့် ရတာ
မင်းကိုတောင် ကျေးဇူးတင်ချင်ပါသေးတယ်တဲ့ သူက။
အသိအဆင်ခြင်လေးနဲ့ ရှေ့ ကျန်သမျှ ဆက်လိုက်ရုံပေါ့တဲ့ သူက။
ခင်ဗျားတို့ ကျေနပ်လောက်ပါပြီ၊ကံကြမ္မာကလဲ ကျေနပ်လောက်ပြီလို ထင်မှာပေါ့ နော်။
သူဆီက ဘာရစရာ ရှိသေးလို့လဲ လေ ၊ဟုတ်ပ။
နောက်ဆုံး အချိန်လေးမှာ ကံကြမ္မာဆင်က ဆိတ်လေးကို ကျီဆယ် လိုက်သေးတယ်။
ကံကြမ္မာရဲ့ အချိန်ကိုက် ဆင်လိုက်တဲ့ ထောင်ချောက်တစ်ခု ဖြစ်မယ် ထင်တယ်။
မယုံချင်စရာ လုံးဝ မရှိတဲ့ ယုံကြည်မှု တစ်ခု ကြင်နာမှုတစ်ခုကို သူ့ဆီ ပို့ လိုက်တယ်။
အဲဒါက နတ်ဆိုးပေါ့။
နတ်ဆိုးကလဲ ပီပြင်တယ်။နောက်ဆုံး မီးတောက် အဖြစ် ထတောက်ရမယ့်
သူ့လက်ကျန် ယုံကြည်မှု မျှော်လင့်ချက်အားလုံးကို အယုံသွင်း မကြွင်းမကျန် စုပ်ယူသွားနိုင်တယ်။
မိဘတွေရဲ့ ကျိန်စာ,ဘဝတစ်လျောက် ပတ်ဝန်းကျင် မှာ ကျင်လည် ဖြတ်သန်း ရုန်းခဲ့ရတဲ့ ကျိန်စာ
အသွင် အလွှာ အပြင် ကွားပြားမှုကြောင့် မရိုးနိုင်အောင် နေ့တိုင်း တဖျက်ဖျက် တဖျင်းဖျင်းရိုက်ခတ်လာတဲ့ ကျိန်စာ
ခဏတိုင်း ယုံကြည်မိလိုက် ခဏတိုင်း ကြေပျက်ပေးလိုက် ကြုံရတဲ့ ကျိန်စာ
သူ့အသိ သူ့ယုံကြည့်မှု သူ့မျှော်လင့်ချက်တွေ
ယဇ်ခုံပေါ်က ဆီမီးခွက်ထဲက ဆီလို ဖြေးဖြေးရင်း လျော့ မသိမသာခန်း အောင် လုပ်တတ်တဲ့ ကျိန်စာ
ဒါ မလုံလောက်သေးဘူး ထင်တယ်။အဲဒီ နတ်ဆိုးကို ထပ်လွတ်တယ်။
ကင်ဆာနဲ့ မြန်မြန် ဇာတ်သိမ်းဖို့ ဇာတ်ညွှန်းကျထားပြီးသားကို
(ပရိသတ် မရှိတဲ့ သူ့ သရုပ်ဆောင်မှုကို သူတစ်ယောက်ထဲ ကြိတ်မှိတ် နိဂုမ်းချုပ်ရမယ့်
ဇာတ်သိမ်းခန်းကို )ပိုပြီး ဇာတ်နာရလေအောင်တဲ့
သူ့ဆီကို ယုံကြည်ဖို့ လုံလောက်တဲ့ အထောက်အထားတွေနဲ့ နတ်ဆိုးကို လွတ်ပြန်တယ်။
နေ့စဉ်နဲ့ အမျှ တစ်ဆစ်ဆစ် နာနေတဲ့ ဝေဒနာ ကြားကနေ
ယုံကြည်မှုလေး တစ်ခု ခေါင်းထောင်ထလာတယ် ဒါနောက်ဆုံး အလင်း
handoverလုပ်ပေးရမယ့် အခွင့် အရေး၊စိတ်ဓာတ်နဲ့ ဝိညာဉ်ကို သူ့ဆီ အပ်နှံခဲ့ပြီး
သူမရှိတော့ တဲ့ အချိန်မှာ လူသားကောင်းကျိုး လုပ်စေမယ် တဲ့
သူ့  မျှော်လင့်ချက်လေး ပြန် ရှင်လာတယ်။သေခါနီးမီးတောက်မယ့် အဆီ မှန်သမျှ လွဲချင်လာတယ်။
ကင်ဆာ နဲ့ ဇာတ်သိမ်းခန်းမှာ အလွမ်းလေးနဲ့ မျှော်လင့်စရာ အတွက် ကံကြမ္မာကိုတောင် ကျေးဇူးတင်နေတယ်။
မသေခင်ဖြေဆည်ရာလေး တစ်ခု နဲ့ နှစ်သိမ့်ပေးပါလား . . .အာမင်။
အငမ်းမရ ကျေးဇူးတင်မှုတွေနဲ့ ပျော်ဝင်(တိတိကျကျ သူ့စကားအရဆိုရင်)စူးစူးနစ်နစ် ပျော်ဝင် . . . . . . ။
ဖမ်းစားလာတဲ့ နတ်ဆိုးရဲ့ ရုပ်သွင်ကို သရုပ်မထင်သေးခင်တော့
ကျန်ခဲ့တဲ့ လောက ကို သူ့ကိုယ်စား အလှဆင်မယ့် ကိုယ့်ပွား
ကင်ဆာ လူမမာရဲ့ နောက်ဆုံးခရီးကို စာနာမှု အပြည့်နဲ့ အားပေးဖော်
စိတ်ထဲ ရှိသမျှ ငြီးချင်းတွေကို မညည်းမညူ ပစ်တင်ခွင့်ပေးတဲ့ စင်ကလေး
နတ်ဆိုးမှန်း မသိခင် တွယ်တာမိပါတယ် တဲ့ သူက။
ရိပ်မိမိ သလို ရှိပေမယ့် မသိယောင်ဆောင်ပြီးကို ဖက်တွယ်
ဝေဝါးတဲ့ ယုံကြည်မှုလေးနဲ့ ပေမယ့် ဇွတ်မှိတ်ပြီးကို ညှိတွယ်
ဒီယုံကြည်မှုလေးနဲ့ ကြုံခဲ့ သမျှ ကံကြမ္မာရဲ့ ကစားကွက်တွေကို မေ့ချင်သတဲ့ သူက။
နတ်ဆိုးက ဇာတိရုပ်ပြလာတယ် . .သူညှိတွယ်မှန်းသိလို့ ထင်တယ်
ဟန်ဆောင် နတ်ဆိုးသာ ဖြစ်တဲ့ အကြောင်း သေချာ ပြောပြန်တယ်
သူရယ်ပဲ ရယ်ချင်တော့တယ်
သူ့ဆီက ဘာရစရာ ရှိသေးလို့လဲ
သူပေးနိုင်စွမ်းရှိသမျှ အကုန် ပေးပြီးခဲ့ ပါပြီ
ပေးဆပ်စရာ ဘာမှ မရှိတော့ဘူးဆိုတာတောင် နတ်ဆိုးကိုလွတ်ပြီး
ကျန်သမျှ အားလုံးကို စုပ်ယူခဲ့ပြီးပြီ။သူ့မှာ နောက်ဆုံးရှင်သန်ခွင့်ရှိခဲ့တဲ့ ယုံကြည်မှု
မျှော်လင့်ချက်ဆိုတာလေးကိုပဲ အယောင်ဆောင် နတ်ဆိုးက ရစ်ထုတ်သွားပြီ။
(ဘာကျန်သေးလို့လဲ,ဘာကို ထပ်ပေးစေချင်သေးလို့လဲ,ဘာများ ထပ်နုတ်ယူစရာ မြင်သေးလို့လဲ)
သူက ခပ်ပါးပါး ရယ်မောသံလေးနဲ့ မေးတော့
ကံကြမ္မာက ထပ်ပြီး ဘယ်လို ကစားနည်းသစ်နဲ့ ကစားရမလဲ လို့ စဉ်းစားနေပုံရတယ် ငြိမ်လို့။
ကံကြမ္မာရေ သေခဲ့တာ တစ်ခါ မက နှစ်ခါ မက ငါ အကြီမ်ကြိမ် သေခဲ့ပြီလေ
နောက်ထပ်သေဖို့ စောင့်ရတဲ့ အချိန်လေး အတွင်းမှာ
မင်းအတွက် ဘာတွေ နဲ့ ပူဇော်ခွင့်ရနိုင်ဦးမလဲ
ဖြစ်တည်မှုလေးရဲ့ နောက်ဆုံး အချိန် အထိ သူက ပေးနေချင်သေးသတဲ့ လေ။
(ဒါက တကယ့် အဖြစ်မှန်ပါဗျာ)
nweminthit
